(روز نامہ قدس ۔آنلائن خبر رساں ادارہ ) مظاہرین نے صیہونی ریاستی دہشتگردی جس میں ایک ماہ کے دوران 36 فلسطینیوں کو شہید کیا گیا کے خلاف نعرے بازی کرتے ہوئے فوری طورپر مظالم روک نے کا مطالبہ کی۔
غیر ملکی خبر رساں اداروں کی رپورٹ کے مطابق گذشتہ روز آسٹریلیا کے شہر میلبورن میں آسٹریلوی اور فلسطینی انسانی حقوق کےزیر اہتمام مقبوضہ فلسطین کے شہر جنین میں صیہونی فورسز کی دہشتگردی میں خواتین اور بچوں کی شہادت کے خلاف احتجاجی مظاہرہ کیا گیا ، مظاہرے میں مختلف شعبہ جات سے تعلق رکھنے والے افراد نے شرکت کی۔
مظاہرین نے صیہونی ریاستی دہشتگردی کے خلاف پلے کارڈز اٹھا رکھے تھے جس پر نہتے فلسطینیوں کے قتل عام کو روکنے کامطالبہ درج تھا۔
مظاہرین نے آسٹریلوی حکومت پر زور دیا ہے کہ وہ اسرائیل کے ساتھ ممکنہ آزاد تجارتی معاہدے کی پیروی بند کرے اور غزہ اور مقبوضہ بیت المقدس صیہونی ریاست کے غیر انسانی غیر قانونی اقدامات کی مذمت کرے۔