(روز نامہ قدس ۔آنلائن خبر رساں ادارہ ) مصر کی وزارت خارجہ کے ترجمان نے شرپسند صیہونی آبادکاروں کے مسجد اقصی ٰ پر دھاؤوں پر برہمی کا اظہارکرتےہوئے کہاہے کہ مصر بار بار اسرائیل کو مسجد اقصیٰ کی بے حرمتی پر خبردار کرچکا ہے۔
مقبوضہ بیت المقدس میں شرپسند صیہونی آبادکاروں کی جانب سے مذہبی رسومات کی ادائیگی کے نام پر مسجد اقصیٰ کی بے حرمتی پر مصری وزارت خارجہ کے ترجمان احمد حافظ نے سخت الفاظ میں مذمت کرتےہوئے کہا ہے کہ مصر کئی بار اسرائیل کو مسجد اقصیٰ کی بے حرمتی پر خبردار کرچکا ہے مصر نے کئی بار اسرائیل پر واضح کیا ہے کہ مسجد اقصیٰ پوری عالم اسلام کے دلوں میں اہم مقام رکھتی ہے اور اس کی بے حرمتی اور اس کے تقدس کی پامالی برداشت نہیں کی جاسکتی۔