(روزنامہ قدس ۔آن لائن خبر رساں ادارہ) غیر قانونی صہیونی آبادکار فلسطینیوں سے جان بوجھ کر جھڑپوں کا آغاز کر تے ہیں جس کے نتیجے میں صہیونی اہلکار بڑی تعداد میں فلسطینیوں کو گرفتار کر کے قید خانوں میں ڈال دیتے ہیں۔
تفصیلات کے مطابق گذشتہ روز مقبوضہ بیت المقدس میں صہیونی شر پسند آبادکاروں نے صہیونی پولیس اہلکاروں کی موجودگی میں مسجد اقصٰی پردھاوا بولا اور متعدد فلسطینیوں کو تشدد کا نشانہ بناتے ہوئے مقدس مقامات کی بےحرمتی کی۔
عینی شاہدین کے مطابق صہیونی آبادکاروں نے فلسطینی نمازیوں کی عبادت میں رکاوٹیں ڈالیں اور ان پر اشتعال انگیز فقرے کسےجبکہ درجنوں شر پسندوں نے مسلمانوں کے لیے مخصوص حصے میں قانون کی خلاف ورزی کرتے ہوئے صہیونیوں کے لیے ممنوعہ مقام میں داخل ہوکر فلسطینیوں کو جھڑپوں کے لیے مجبور کیا۔
واضح رہے کہ غیر قانونی صہیونی آبادکار فلسطینیوں سے جان بوجھ کر جھڑپوں کا آغاز کر تے ہیں جس کے نتیجے میں صہیونی اہلکار بڑی تعداد میں فلسطینیوں کو گرفتار کر کے قید خانوں میں ڈال دیتے ہیں۔