(روزنامہ قدس ۔آنلائن خبر رساں ادارہ) مقبوضہ فلسطین میں ایک روزمیں 10402 افراد کے کورونا ٹیسٹ کیے گئےجن میں غزہ کی پٹی میں کورونا کے 1527 جبکہ غرب اردن میں 839 افراد میں کورونا کی تشخیص کی گئی،اور 19 افراد جاں بحق ہوئے۔
ذرائع سے موصولہ اطلاعات کے مطابق گذشتہ روزصہیونی ریاست اسرائیل کی وزارت صحت کی عالمی وباء کورونا وائرس کے حوالے سے جاری کردہ یومیہ رپورٹ کے مطابق گذشتہ چوبیس گھنٹوں کے دوران فلسطینی علاقوں میں کوروناوائرس سے متاثرہ2366 نئے کیسز کی تصدیق کی گئی ہےجس سے یہ ثابت ہوتا ہے کہ اسرائیل میں کورونا کی وباء دوبارہ سر اٹھا رہی ہے۔
رپورٹ کے مطابق مقبوضہ فلسطین میں کورونا سے متاثر ہونے کے بعد 19مریض چل بسے تاہم کورونا کا شکار ہونے کے بعد شفایاب ہونے والےافراد کی تعداد 2162بتائی جاتی ہے۔
خیال رہے کہ مقبوضہ فلسطین میں ایک روز قبل مجموعی طورپر 10402 افراد کے کورونا ٹیسٹ کیے گئےجن میں غزہ کی پٹی میں کورونا کے 1527 نئے کیسز سامنے آئے، غرب اردن میں 839 افراد میں کورونا کی تشخیص کی گئی جبکہ غزہ میں 10 اور غرب اردن میں 9 مریض دم توڑ گئے۔