(روزنامہ قدس ۔آنلائن خبر رساں ادارہ) دھرنے میں فلسطینی باشندوں نے اسرائیلی بلدیہ کی جانب سے اپنے گھروں کی مسماری کی مذمت کی اور عالمی برادری سے مطالبہ کیا کہ وہ فلسطینیوں کے مکانات کی مسماری اور جبری ہجرت روکنے کے لیے اسرائیل پر دباؤ ڈالے۔
ذرائع کے مطابق گذشتہ روز مقبوضہ بیت المقدس میں سلوان کے مقام پر البستان کالونی میں فلسطینی باشندوں کی جانب سے صہیونی آباد کاری کے خلاف جاری دھرنے کے دوران فلسطینیوں نے نماز جمعہ ادا کی جس کے بعد مظاہرین نے سلوان میں صہیونی بلدیہ کے ہاتھوں مکانات کی مسماری اور فلسطینیوں کو بے گھر کرنے کے خلاف پر امن احتجاجی مظاہرہ کیا۔
صہیونی جارحیت کے خلاف دھرنے میں شامل فلسطینی باشندوں نے اسرائیلی بلدیہ کی جانب سے اپنے گھروں کی مسماری کی مذمت کی اور عالمی برادری سے مطالبہ کیا کہ وہ فلسطینیوں کے مکانات کی مسماری اور جبری ہجرت روکنے کے لیے اسرائیل پر دباؤ ڈالے۔
خیال رہے کہ بستان کالونی 70 دونم پر واقع ہے جس میں 1550 فلسطینی آباد ہیں۔ اسرائیل سنہ 2005ء سے بستان کالونی کے فلسطینیوں کو وہاں سے بے دخل کرنے کے لیے طاقت کے استعمال سمیت دیگرحربے استعمال کررہا ہے۔