(روزنامہ قدس ۔آنلائن خبر رساں ادارہ) صہیونی فوج کے ہاتھوں بغیر کسی جرم کے گرفتار ہونے والے فلسطینیوں میں اکثر اسرائیلی جیل سے کچھ ہی عرصہ قبل رہائی پانے والے قیدی ہیں۔
مقامی ذرائع کے مطابق گذشتہ روز مقبوضہ مغربی کنارے اوربیت المقدس کے کئی علاقوں پررات گئے چھاپہ مار کارروائیاں کی گئیں جن میں صہیونی فوج نے فلسطینی علاقوں میں داخل ہوکر بغیر کسی وجہ کےمقامی رہائشیوں کو گھروں سے نکال کر زدوکوب کیا اور تشدد کرتے ہوئے کم سے کم 25 نوجوانوں کو گرفتار کر کے نامعلوم مقام پر منتقل کر دیا۔
واضح رہے کہ صہیونی فوج کے ہاتھوں بغیر کسی جرم کے گرفتار ہونے والے فلسطینیوں میں اکثر اسرائیلی جیل سے کچھ ہی عرصہ قبل رہائی پانے والے قیدی ہیں۔ ان میں سے ایک قیدی حمدی رومانا جو قابض جیلوں میں 8 سال کی لمبی قید کاٹ چکے ہیں اور رہائی حاصل کیے ہوئے انہیں ابھی صرف 1 ماہ کا عرصہ گزرا ہے۔