(روزنامہ قدس ۔آن لائن خبر رساں ادارہ) جیسس گریگوریو نے حماس کے وفد سے ملاقات میں فلسطینیوں کے ساتھ اسرائیل کے جاری مظالم اور قیدیوں کے ساتھ غیر انسانی سلوک پر تشویش کا اظہار کرتے ہوئے لبنان میں فلسطینی پناہ گزینوں کی بہتری کیلیے اٹھائے جانے والے بہتری کے مزید اقدامات کی ضرورت پر زور دیا۔
تفصیلات کے مطابق گذشتہ روز لبنان میں وینز ویلا کے سفارت خانے میں مقبوضہ فلسطین میں صہیونی ریاستی دہشت گردی کے خلاف برسرپیکار اسلامی تحریک مزاحمت حماس کے اعلیٰ وفد نے مندوب احمد عبدالہادی کی سربراہی میں سفیر جیسس گریگوریو سے ملاقات کی جس میں فلسطین کی تازہ ترین صورتحال پرتفصیلی تبادلہ خیال کیا گیا۔
حماس کے اعلیٰ وفد میں تحریک کی جانب سے عبدالہادی کے علاوہ نائب سیاسی عہدیدار جہاد طحہ، سیاسی اور میڈیا تعلقات کے عہدیدار عبدالمجید العواد اور سیاسی قیادت کے رکن مشہور عبد الحلیم شامل تھے۔
ملاقات میں عبدالہادی اور وینز ویلا کےسفیر کے درمیان لبنان میں فلسطینی پناہ گزینوں کو درپیش مشکلات پر بات چیت کی گئی اور غزہ کی پٹی پر مسلط کردہ محاصرےسمیت مغربی کنارے میں فلسطینیوں کے خلاف اسرائیل کی منظم جارحیت، آبادکاری، اور القدس میں فلسطینی مقدسات کی بےحرمتی کے ساتھ ساتھ فلسطینیوں کی املاک پر قبضے کی سازشوں کے حوالے سے بتایا۔
جیسس گریگوریو نے حماس کے وفد سے ملاقات میں فلسطینیوں کے ساتھ اسرائیل کے جاری مظالم اور قیدیوں کے ساتھ غیر انسانی سلوک پر تشویش کا اظہار کرتے ہوئے لبنان میں فلسطینی پناہ گزینوں کی بہتری کیلیے اٹھائے جانے والے بہتری کے مزید اقدامات کی ضرورت پر زور دیا۔