(روز نامہ قدس ۔آنلائن خبر رساں ادارہ ) عوامی رائے کے مطابق اسرائیل کی اکثریت آبادی نے کہا ہے کہ نئی حکومت اپنی مدت پوری نہیں کرے گی اور جلد ہی سیاسی بحران کا شکار ہوکر ختم ہوجائے گی۔
اسرائیل کےعبرانی چینل 12نےتازہ ترین عوامی سروے کی رپورٹ جاری کی ہے جس کےمطابق اسرائیل میں بسنے والے43 فیصد لوگوں کا خیال ہے کہ نئی اسرائیلی حکومت جس نے گذشتہ روز اتوار کو حلف اٹھایا ہے زیادہ عرصے تک نہیں چلے گی، ان کا کہنا ہے کہ نئی حکومت اپنی مدت پوری نہیں کرے گی اور جلد ہی سیاسی بحران کا شکار ہوکر ختم ہوجائے گی۔
سروے میں بتایا گیا ہے کہ 30 فی صد لوگوں کو یقین ہے کہ حکومت دراصل ایک طویل عرصے تک کام کرے گی لیکن مدت کے اختتام تک یہ قائم نہیں رہے گی البتہ صرف 11 رائے دہندگان کا ماننا تھا کہ حکومت 4 سال تک کام کرے گی.
رائے عامہ کے سروے کےمطابق 61 فی صد نے بتایا کہ دائیں بازو کی پارٹی کے رہنما اور اگلے وزیر اعظم نفتالی بینیٹ چینج بلاک میں شامل ہوئے اور ذاتی مقاصد کے لیے نئی حکومت میں داخل ہونے کا فیصلہ کیا ہے جبکہ 20 فی صد کا کہنا ہے کہ وہ نظریاتی مقاصد کے لیے حکومت کا حصہ بنے ہیں, انیس فی صد نے اس حوالے سے لاعلمی کا اظہار کیا ہے۔