(روز نامہ قدس ۔آنلائن خبر رساں ادارہ ) اردنی وزارت خارجہ کے ترجمان نے کہا ہے کہ جو لوگ اسرائیل میں داخل ہوئے ہیں ان کے پاس دوسرے ممالک کی شہریتیں موجود ہیں۔
تفصیلات کے مطابق اردنی وزارت خارجہ کے ترجمان ضیف اللہ الفائزکی جانب سے گذشتہ روز ایک بیان جاری کیا گیا ہے جس میں انہوں نے اسرائیل کے جاری ایک بیان کا نوٹس لیتے ہوئے واضح طور پر کہا ہے کہ اسرائیل میں غیر قانونی طریقے سے داخل ہونے والوں میں اردن کا کوئی شہری شامل نہیں تاہم جو لوگ اسرائیل میں داخل ہوئے ہیں ان کے پاس دوسرے ممالک کی شہریتیں موجود ہیں۔
ان کا کہنا تھا کہ غیر قانونی طریقے سے اسرائیل میں داخل ہونے والے افراد کےحوالے سےمتعلقہ ادارے معاملے کی مکمل چھان بین کررہے ہیں۔
واضح رہے کہ دو روز قبل صہیونی ریاست اسرائیل کی جانب سے دعویٰ کیا گیا تھا کہ اسرائیل نے اردن کے رستے ریاست میں در اندازی کر نے والے پانچ مشتبہ افراد میں سے ایک کو پکڑ لیا ہے جبکہ دیگر چار کی تلاش جاری ہے۔