(روز نامہ قدس ۔آنلائن خبر رساں ادارہ ) ایرانی وزارت خارجہ کا کہنا ہے کہ تہران کسی بھی ممکنہ مہم جوئی یا اپنی سلامتی کے لیے خطرے کا فوری اور مضبوطی سے جواب دے گا۔
قابض صیہونی ریاست اسرائیل ، امریکا اور برطانیہ کی جانب سے عمان کے ساحل کے قریب اسرائیلی ملکیتی آئل ٹینکر پر حملے کے لیے تہران کو ذمہ دار ٹھہرانے کے بعد امریکا کہ جانب سے سخت کارروائی کے بیان پر سرکاری ٹیلی ویژن پر اپنے سخت ردعمل میں ایرانی وزارت خارجہ کے ترجمان سعید خطیب زادہ نے اسرائیل اور اس کے اتحادیوں کو خبر دار کیا ہے کہ اگر ان کی طرف سے ایران کے خلاف کسی قسم کی مہم جوئی کی گئی تو تہران اپنی سلامتی کے لیے خطرے کا فوری اور مضبوطی سے جواب دے گا، ایران اپنی سلامتی اور قومی مفادات کے تحفظ سے دریغ نہیں کرتا۔ "خطیب زادہ نے برطانوی سیکریٹری خارجہ کی جانب سے اسلامی جمہوریہ ایران کے خلاف لگائے گئےالزامات کو "جھوٹ” قرار دیا۔ایرانی وزارت خارجہ نے خلیج عمان میں قابض ریاست کے ٹینکر پر حملے میں تہران کے ملوث ہونے کی تردید کی ہے۔