(روز نامہ قدس ۔آنلائن خبر رساں ادارہ ) فلسطینی مزاحمتی تحریک اسلامی جہاد نے کہا ہے کہ فلسطینیوں کے خلاف کسی بھی قسم کی جارحیت کے خلاف فوری اور بھرپور جوابی کارروائی کی جائے گی، فلسطینیوں کی زندگی اہم ہیں۔
مقبوضہ فلسطین میں صیہونی ریاستی دہشتگردی کے خلاف برسرپیکار اسلامی جہاد کے عسکری ونگ سرایا القدس کی جانب سے جاری کردہ بیان میں اسرائیل کو خبردار کرتے ہوئے کہا گیا ہے کہ جب فلسطینیوں کی زندگیوں کی بات آئے تو مزاحمت کاروں کے پاس کوئی سرخ لکیر نہیں ہے، فلسطینیوں کے خلاف کسی بھی قسم کی جارحیت اور قتل عام کی صورت میں اسلامی جہادکی جانب سے فوری اور بھرپور جوابی کارروائی کی جائے گی جیسا کے حالیہ مقبوضہ بیت المقدس میں اسرائیلی جارحیت کے موقع پر دیکھا بھی گیا تھا۔
بیان میں بتایا گیا ہےکہ فلسطینی مزاحمت کاروں نےحالیہ جس طاقت کا مظاہرہ کیا وہ بہت معمولی ہے، مزاحمت کار کئی مہینوں تک صیہونی دشمنوں کے خلاف بھرپور انداز میں لڑنے کی صلاحیت رکھتے ہیں۔