یومِ یکجہتیِ فلسطین کے موقع پر ڈپٹی میئر کراچی سلمان عبداللہ مراد نے فلسطینی عوام کے ساتھ اپنی مکمل حمایت اور یکجہتی کا اظہار کیا۔
ڈپٹی میئر نے کہا کہ فلسطینی عوام کے ساتھ یکجہتی ہماری اخلاقی اور انسانی ذمہ داری ہے اور کراچی کے عوام مظلوم فلسطینی بہن بھائیوں کے ساتھ دل کی گہرائیوں سے کھڑے ہیں۔
انہوں نے غزہ میں جاری مظالم کو عالمی ضمیر کے لیے لمحہ فکریہ قرار دیتے ہوئے کہا کہ اقوامِ متحدہ کو فلسطینیوں کے بنیادی حقوق کے تحفظ کے لیے عملی اقدامات کرنے چاہیے۔
سلمان عبداللہ مراد نے مزید کہا کہ فلسطینی عوام کی جدوجہد آزادی دنیا بھر کے مظلوموں کے لیے حوصلے کی علامت ہے، اور پاکستان کے عوام ہمیشہ فلسطین کے حقِ خودارادیت کی بھرپور حمایت کرتے رہیں گے۔
ان کے بقول، فلسطین میں امن اور آزادی کے لیے عالمی برادری کو خاموش نہ رہنے کی ضرورت ہے اور مظلوم فلسطینیوں کے ساتھ ہر ممکن تعاون کرنا چاہیے۔
