(روز نامہ قدس ۔آنلائن خبر رساں ادارہ ) اسرائیل ایک غیر قانونی غاصب ریاست ہے اس کے ساتھ تعلقات بابائے قوم محمد علی جناح کے نظریات سے اختلاف ہے۔
شیعہ علماء کونسل پاکستان کے سربراہ علامہ ساجد علی نقوی کی اپیل پر ملک بھر میں جمعۃ الوداع کے موقع پر فلسطینی عوام سے اظہار ہمدردی و یکجہتی کیلئے ایس یو سی کی جانب سے القدس ریلیاں نکالی گئیں، شہر قائد میں شیعہ علماء کونسل کراچی ڈویژن کی جانب سے ریگل تا کراچی پریس کلب تک ریلی نکالی گئی، جس میں مرد، خواتین و کارکنان نے بڑی تعداد میں شرکت کی۔
ریلی سے شیعہ علماء کونسل کے مرکزی ڈپٹی سیکرٹری جنرل علامہ محمد علی جڑوار نے نے خطاب کرتےہوئے پاکستان کے صہیونی ریاست اسرائیل کے ساتھ تعلقات کے حوالے سے حالیہ خبروں پر تشویش کا اظہار کرتےہوئے کہا ہے کہ اسرائیل ایک غیر قانونی غاصب ریاست ہے اس کے ساتھ تعلقات بابائے قوم محمد علی جناح کے نظریات سے اختلاف ہے۔
اس موقع پر حسنین مہدی، مولانا جعفر سبحانی، مولانا عباس مہدی ترابی، مولانا رضی حیدر، مولانا عابد عرفانی، مولانا حسن رضا و دیگر رہنماؤں نے بھی خطاب کیا۔ ریلی کے اختتام پر شرکاء نے امریکا و اسرائیل کے پرچم نذر آتش کئے۔
