(روزنامہ قدس ۔آنلائن خبر رساں ادارہ) اسرائیلی میڈیا کاکہنا ہے کہ فلسطینی شہریوں نے اسرائیلی شہریوں پر اس وقت حملہ کیا جب وہ حضرت یوسف علیہ سلام کے مزار پر مذہبی رسومات کی ادائیگی کے لئے جارہے تھے۔
قابض ریاست کے عبرانی زبان کے معروف اخبار” معاریو” کے مطابق عید سوکوت یا جشن خیام کے موقع پر حضرت یوسف علیہ سلام کے مزار پر مذہبی رسومات کی ادائیگی کے لئے پانچ بسوں میں سوار 500 کے قریب صیہونی آبادکاروں پر مسلح فلسطینیوں نے حملہ کیا جس میں متعدد اسرائیلی زخمی ہوگئے۔
اسرائیلی میڈیا کا کہنا ہے کہ ب مسلح فلسطینیوں نے بسوں کے ایک قافلے کو گولہ بارود، پتھروں اور دیسی ساختہ دھماکا خیز آلات کے ذریعے نشانہ بنایا جس میں پانچ سو کے قریب صہیونی آبادکار سوار تھے۔
بیس سے زیادہ بسیں یہودی آباد کاروں کے لے کر یوسف علیہ السلام کے مزار کے احاطے میں داخل ہوئی تھیں، اسرائیلی فوج کی جانب سے کڑی نگرانی اور پہرہ جاری تھا اس کے باوجود حملے میں متعدد کے زخمی ہونے کی اطلاعات ہے تاہم زخمیوں میں کوئی بھی شدید نوعیت کا نہیں ہے ، زخمیوں میں تین اسرائیلی فوجی بھی شامل ہیں جو سنگ باری سے زخمی ہوئے۔