(روز نامہ قدس ۔آنلائن خبر رساں ادارہ ) صہیونی جیل میں قید فلسطینی پر لگا ئے جانے والے الزامات ثابت نہ ہونے کے باوجود اسرائیلی فوجی عدالت نے زیر علاج زخمی فلسطینی نوجوان کی غیر قانونی نظر بندی میں توسیع کر دی ہے۔
اطلاعات ہیں کہ گذشتہ روز صہیونی فوجی عدالت میں مقبوضہ شمالی مغربی کنارے کے جنین کیمپ سے تعلق رکھنے والے فلسطینی قیدی 23 سالہ وسام محمد محمود ابو زید کی نظر بندی کو اگلے پیر تک بڑھا دیا ہے ۔
واضح رہے کہ قابض صہیونی فوج نے وسام محمد محمود ابو زیدپرمزاحمت کاروں کے سہولت کار ہونے کا الزام عائد کرتے ہوئے قیدی کو بد ترین تشدد کا نشانہ بنایا تھا جس کے باعث قیدی کی حالت بگڑ گئی تھی اور اسےصہیونی انتظامیہ کے العفولہ ہسپتال میں منتقل کر دیا گیا تھا تاہم اب تک کی اطلاعات کے مطابق صہیونی جیل میں قید فلسطینی پر لگا ئے جانے والے الزامات ثابت نہ ہونے کے باوجود اسرائیلی فوجی عدالت نے زیر علاج زخمی فلسطینی نوجوان کی غیر قانونی نظر بندی میں توسیع کر دی ہے۔
واضح رہے کہ قابض ریاست اسرائیل میں صہیونی فوجی عدالت کی جانب سےفلسطینی اسیروں کے ٹرائل میں توسیع کو نفسیاتی تشدد کے حربےکے طور پر استعمال کیا جا تاہے۔