(روز نامہ قدس ۔آنلائن خبر رساں ادارہ ) طیب اردوان نے امریکی صدر جوبائیڈن کو اسرائیل کی حمایت پر سخت تنقید کا نشانہ بناتے ہوئے کہا کہ امریکی صدر نے اسرائیلی حمایت کرکے اپنے ہاتھ خون آلود کیے ہیں۔
ترکی کے صدر کی جانب سے گذشتہ روز کابینہ اجلاس کے بعد میڈیا بریفنگ میں امریکی صدر جوبائیڈن کو غزہ میں اسرائیلی جارحیت کی حمایت کے بیان پر شدید تنقید کا نشانہ بناتے ہوئے کہا ہےکہ جوبائیڈن خون آلود ہاتھوں سے تاریخ لکھ رہے ہیں۔
انہوں نے کہا کہ جوبائیڈن نے اسرائیلی جارحیت کی حمایت کرکے اپنے ہاتھ خون آلود کرلیے ہیں اور ہمیں یہ سب کہنے پر مجبور کیا تاہم ہم فلسطین کی حمایت سےپیچھے نہیں ہٹ سکتے۔
اس صورت حال کے باوجودجب امریکی صدر کی جانب سے غزہ پر اسرائیلی جارحیت کو دفاع قرار دیا گیا ہے امریکہ نے معاہدے کے تحت صہیونی ریاست کو اسلحہ دینے کی بھی منظوری دے دی ہے۔
یادرہے کہ قابض ریاست اسرائیل نے گزشتہ 8 روز سے غزہ پر بمباری کی جارہی ہے جس کے نتیجے میں بچوں اور خواتین سمیت 200 سے زائد فلسطینی شہید ہوچکے ہیں اورسیکڑوں زخمی ہیں جبکہ سیکڑوں گھر و عمارتیں بھی تباہ کردی گئی ہیں جس کے نتیجے میں اب تک 10 ہزار سے زائد افراد بے گھر ہوچکےہیں۔