(روز نامہ قدس ۔آنلائن خبر رساں ادارہ ) قابض ریاست اسرائیل میں صہیونی فوجیوں کی جانب سے فلسطینیوں کے لیے پہلے سےکہیں زیادہ مشکلات کھڑی کی جارہی ہیں اور انہیں اشتعال انگیزی پر ابھارا جارہا ہے۔
ذرائع کے مطابق قابض اسرائیلی فوج کی جانب سے آج علی الصبح مقبوضہ مغربی کنارے میں چھاپوں کے دوران متعددفلسطینی شہریوں کو گرفتار کرلیا۔
قابض فوج نے نابلس کے شہر بیتا میں رہائشی علاقوں پر دھاوا بولااور گھر گھر تلاشی کے دوان 8 فلسطینی باشندوں کو زدوکوب کیا جبکہ ان کی املاک کی روایتی توڑپھوڑ کے ذریعے شدیدنقصان پہنچا یااور حراست میں لیتے ہوئے نامعلوم مقام پر منتقل کردیا۔
سلفیت کے شمالی علاقے اسکاکا میں بھی کچھ عرصہ قبل صہیونی جیل سے رہائی پانے والے قیدی اور مصنف ولید خالد حرب کو ان کے گھر پر چھاپہ مار کر تلاشی کے بہانےاسرائیلی قابض فوج نےقیمتی سامان کو نقصان پہنچایا اورانہیں بغیر کسی جرم کےتشدد کرتے ہوئےگرفتار کرلیا اور صہیونی فوجی گاڑی میں ڈال کرنامعلوم مقام پر منتقل کر دیا۔
واضح رہے کہ قابض ریاست میں اسرائیل میں صہیونی فوجیوں کی جانب سے فلسطینیوں کے لیے پہلے سےکہیں زیادہ مشکلات کھڑی کی جارہی ہیں اور انہیں اشتعال انگیزی پر ابھارا جارہا ہےتاکہ فلسطین میں ایک مرتبہ پھر جنگی فضاءقائم ہوج اور بے گناہ نہتےشہریوں کا استحصال ہو۔