(روز نامہ قدس ۔آنلائن خبر رساں ادارہ ) صہیونی فوجی ترجمان کا کہنا ہے کہ نبطیہ گورنری میں واقع عبا پبلک اسکول سے چند میٹر (25 میٹر) کے فاصلے پر رہائشی محلوں کے قلب میں بنائے گئےہتھیاروں کے اس ڈپو سے 300 سے زائد طلباء کو شدید خطرہ لاحق ہے۔
ذرائع کے مطابق گذشتہ روز لبنان میں نطبیہ کے علاقے میں عبا نامی اسکول میں بڑی مقدار میں اسمگلنگ کی کھیپ کے پکڑے جانے کےبعد صہیونی فوج کی جانب سے حزب اللہ پر الزام عائد کیا ہے کہ حزب اللہ لبنانی باشندوں کوڈھال کے طور پر اپنے منصوبوں پر عمل درآمد کے لیے استعمال کررہی ہے۔
صہیونی فوج کے ترجمان افیحائی ادرعی کے بیان میں انکشاف کیا گیا ہے کہ یہ اسمگلنگ قصبے کے ایک اسکول سےکی گئی اور کہا ہے کہ حزب اللہ کے اسلحے کا یہ گودام شمالی فوجی کمانڈ کے آنے والے ہزاروں اہداف میں سے ایک ہے جسے لبنان میں آئندہ کسی بھی جنگ میں نشانہ بنایا جائے گا۔
صہیونی فوجی ترجمان کا کہنا ہے کہ نبطیہ میں واقع عبا پبلک اسکول سے چند میٹر (25 میٹر) کے فاصلے پر رہائشی محلوں کے قلب میں بنائے گئےہتھیاروں کے اس ڈپو سے 300 سے زائد طلباء کو شدید خطرہ لاحق ہے۔
خیال رہے کہ صہیونی فوج کی جانب سے جاری کیا گیا یہ بیان کچھ عرصہ قبل لبنان کی سرحد پر ہتھیاروں کی اسمگلنگ کی ایک بڑی کوشش کو ناکام بنانے کے اعلان کے چند ہی دن بعد سامنے آیا ہےاور بیان کے مطابق صہیونی فوج نے غجر کے علاقے میں 43 ہتھیار ضبط کیے تھے۔