(روز نامہ قدس ۔آنلائن خبر رساں ادارہ ) بینی گینٹز نے تل ابیب کی ایک مقامی یونیورسٹی میں خطاب کے دوران کہا کہ ایران اپنے ڈرون طیاروں کی تیاری کے علم کو غزہ تک منتقل کرنا چاہتا ہے۔
غیر ملکی خبر رساں ادارے کی جاری کردہ رپورٹ کے مطابق گذشتہ روزقابض ریاست اسرائیل کے صہیونی وزیردفاع بینی گینٹزنے ایک بار پھرایران مخالف بیان میں ایران پر الزام عائدکرتے ہوئے کہا ہے کہ ایران کے کاشان ائیر بیس پر یمن، عراق، شام اور لبنان سے تعلق رکھنے والی ملیشیائیں ایرانی ساختہ ڈرون طیارے اڑانے کی تربیت حاصل کر رہے ہیں۔
ایران کے علاقے اصفھان میں ایک فوجی اڈے پر غیر ملکی ملیشیاوں کو ڈرون طیارے چلانے کی تربیت دیے جانے کا یہ بیان بینی گینٹز نے ایران کی جانب سے خلیج عمان میں اسرائیلی ٹینکر پر مبینہ ڈرون حملے کے ایک ماہ بعد جاری کیا ہے۔
بینی گینٹز نے تل ابیب کی ایک مقامی یونیورسٹی میں خطاب کے دوران کہا کہ ایران اپنے ڈرون طیاروں کی تیاری کے علم کو غزہ تک منتقل کرنا چاہتا ہے۔