(روز نامہ قدس ۔آنلائن خبر رساں ادارہ ) اسحاق بریک نے کہا کہ حکومت کو غزہ سے اسرائیل کی جانب فائر کئے جانے والے راکٹوں ، میزائلوں کو روکنے میں ناکامی کامنہ دیکھنا پڑا ہے۔
تفصیلات کے مطابق صہیونی فوج کے ایک سابق جنرل اسحاق بریک نےاسرائیلی ریڈیو سے نشر ہونے والے انٹرویو میں کہا ہے کہ غزہ میں اسرائیل کے جنگی طیاروں نے 12دن کی جنگ کے دوران غزہ پٹی پر شدید بمباری کی لیکن یہ نظریہ پوری طرح سے ناکام ثابت ہو چکا ہے کہ فضائی حملوں کے ذریعے جنگ فتح کی جا سکتی ہے اور حکومت کو غزہ سے اسرائیل کی جانب فائر کئے جانے والے راکٹوں اور میزائلوں کو روکنے میں شکست کا منہ دیکھنا پڑا ہے۔
صیہونی فوج کے سابق جنرل نے ممکنہ طور پر اسرائیل کے سامنے آنے والے مستقبل کے خطرات کے حوالے سے خبردار کرتے ہوئے کہا کہ جب ہم 12دن میں غزہ سے ہونے والے راکٹ اور میزائل حملوں کو روکنے میں ناکام ہو گئے تو پھر مستقبل میں ہم کس طرح آنے والے چیلنجز سے نبرد آزما ہوسکیں گے جس میں حزب اللہ بھی شامل ہو؟
واضح رہے کہ اسحاق بریک نےمستقبل کے حوالے سے اسرائیل کو خبر دار کیا ہےکہ جب متعدد محاذ پر ہونے والی جنگ اسرائیلی فوج کے لئے ایک حقیقی تباہی ہوگی اور ہم اسے روک نہیں پائیں گے۔