(روز نامہ قدس ۔آنلائن خبر رساں ادارہ ) اسرائیلی فوج کا کہنا ہے کہ ہم لبنان اوردوسرے تمام سرحدی محاذوں پر کسی بھی صورت حال سے نمٹنے کے لیےہروقت تیار ہیں۔
عالمی ذرائع ابلاغ کے مطابق گذشتہ روز قابض ریاست اسرائیل کی جانب سے دعوٰی کیا گیا ہے کہ لبنان سےدو راکٹ داغے گئے جن میں سے ایک کو صہیونی فضائی دفاعی نظام کے ذریعے مار گرایا گیا جب کہ دوسرا راکٹ ایک ویران علاقے میں جا گرا۔
خبر کے مطابق اسرائیلی فوج کا کہنا ہےکہ ہم تمام محاذوں پر کسی بھی صورت حال سے نمٹنے کے لیےہر وقت تیار ہیں۔
واضح رہے کہ لبنان سےاسرائیل کی جانب فائر کیے گئے دو راکٹوں نے شمالی اسرائیل میں سائرن متحرک کردیے تھے جس کےبعد صہیونی فوج کو ہنگامی بنیادوں پرکسی بھی خطرے سے نمٹنے کے لیے ہائی الرٹ کردیاگیا۔