حزب اللہ سے جنگ بندی کیلئے اسرائیل کی امریکہ سے درخواست

(روز نامہ قدس ۔آنلائن خبر رساں ادارہ) امریکی ویب سائٹ نے دعویٰ کیا ہے کہ اسرائیل نے گزشتہ ہفتے واشنگٹن کو "لبنان میں جنگ کے خاتمے کے لیے اپنی شرائط پر مشتمل ایک دستاویز پیش کی تھی۔

امریکی ویب سائٹ  Axios نے امریکی حکام کے سے یہ بھی کہا کہ ’’وزیراعظم نیتن یاہو کے دفتر نے امریکی ایلچی اموس ہوچسٹین کے بیروت کے دورے سے قبل یہ دستاویز وائٹ ہاؤس کو فراہم کی تھی۔

‘‘عہدیداروں نے نشاندہی کی کہ "یہ مقالہ اسرائیلی وزیر برائے اسٹریٹجک امور رون ڈرمر کی طرف سے وزارت سلامتی اور فوج کے ساتھ ان حالات کے بارے میں بات چیت کے بعد سامنے آیا ہے جن کے تحت اسرائیل کو لبنان میں جنگ کے خاتمے کے لیے کسی بھی حل کا حصہ بننے کی ضرورت ہے۔

"اس تجویز کی تفصیلات میں، "اسرائیل نے یہ شرط رکھی کہ اس کی فوج کو موثر نفاذ میں حصہ لینے کی اجازت دی جائے تاکہ اس بات کو یقینی بنایا جا سکے کہ حزب اللہ کو دوبارہ مسلح نہ کیا جائے اور سرحد کے قریب جنوبی لبنان کے علاقوں میں اس کا فوجی انفراسٹرکچر دوبارہ تعمیر نہ کیا جائے۔”

ایک اسرائیلی سرکاری اہلکار نے مزید کہا، "اسرائیل یہ بھی مطالبہ کرتا ہے کہ اس کی فضائیہ لبنان کی فضائی حدود میں کام کرنے کی آزادی ہو۔”