(روزنامہ قدس ۔آن لائن خبر رساں ادارہ) قیدی کلب نے عالمی صحت کے اداروں سے اپیل کی ہے کہ وہ صہیونی جیل میں اسیر کی حالت کی جانچ کا انتظام کریں اور انسانی بنیادوں پر ابو حمید کی تیزی سے بگڑتی حالت کے پیش نظر طبی سہولیات کی فراہمی کے لیے صہیونی حکام پر دباؤ ڈالیں۔
مقبوضہ فلسطین قیدیوں کے امور سے متعلق ادارہ قیدی کلب نے اپنے جاری بیان میں انکشاف کیا ہے کہ اسرائیل کی غیر قانونی جیل کے ہسپتال برزلائے میں 49 سالہ فلسطینی اسیر ناصر ابو حمید کینسر کے مرض میں مبتلا ہیں ساتھ ہی پھیپھڑوں کے عارضے کا مقابلہ کرتے ہوئےوینٹی لیٹر پر صہیونی جیل انتظامیہ کی مسلسل جاری مجرمانہ غفلت کے ہاتھوں پچھلے 12 دنوں سے کومے میں تشویش ناک حالت میں ہیں اور بمشکل سانس لے پارہے ہیں۔
قیدی کلب کے بیان کے مطابق صہیونی جیل انتظامیہ کی مسلسل لا پروایہی کے باعث اسیر کی زندگی شدید خطرات سے دوچار ہوچکی ہےاور ان کی زندگی کاشدیدخدشہ پیدا ہوچکا ہے۔
قیدی کلب نے اقوام عالم سے صہیونی جیلوں میں اسیروں کی زبوں حالی پر خاموشی توڑنے اور قیدیوں کے ساتھ غیر انسانی سلوک کے خلاف ایکشن لینے کا فوری مطالبہ کیا تاکہ ابوحمیدکو نہایت پیچیدہ صحت کی صورت حال کے باعث زندگی کی بازی ہارنے سے بچایا جا سکے۔