(روز نامہ قدس ۔آنلائن خبر رساں ادارہ ) متحدہ عرب امارات اور قابض صہیونی ریاست کے تعقات معمول پر آنے کے بعد یہ اپنی نوعیت کا پہلا واقع ہے جس میں ایک صہیونی ریاست کا شہری متحدہ عرب امارات کی ریاست دبئی میں ہیروئن کی اسمگل کرتے ہوئے گرفتار ہوا۔
اسرائیلی میڈیا کےمطابق متحدہ عرب امارات کی ریاست دبئی میں پولیس نے فلسطین پر قابض صہیونی ریاست سے تعلق رکھنے والے ایک اسرائیلی شہری کو بڑی مقدار میں ہیروئن اسمگل کرنے کی کوشش کرتےہوئے گرفتارکرلیا ہے۔
میڈیا رپورٹ میں برآمد ہونے والی منشیات کی مقدار اور شہری کی شناخت کو ظاہر نہیں کیا گیا تاہم یہ بتایا گیا ہے کہ قابض صہیونی ریاست اسرائیل کے خلیجی ملک اسرائیل کے ساتھ معاہدہ ابراہیم کے تحت قائم ہونے والے سفارتی تعلقات کےبعد یہ اپنی نوعیت کا پہلا واقعہ ہے۔
واضح رہے کہ اسرائیلی میڈیا نے اپنی رپورٹ میں انکشاف کیا ہے کہ اسرائیل کے متحدہ عرب امارات کے ساتھ تعلقات قائم ہونے کےبعد امارات میں منشیات کی اسمگلنگ غیرمعمولی بڑھی ہے متعدد اسرائیلی شہری خلیجی ملک میں منشیات اسمگل کرنےمیں ملوث ہیں۔