(روز نامہ قدس ۔آنلائن خبر رساں ادارہ ) گذشتہ روز صہیونی ریاست کے صدر بحرین سے اماراتی دارالحکومت ابوظہبی پہنچے جہاں ان کا استقبال متحدہ عرب امارات کے وزیر خارجہ عبداللہ بن زاید نے کیا۔
غیر ملکی خبر رساں ایجنسی کی رپورٹ کے مطابق گذشتہ روز غیر قانونی صہیوین ریاست اسرائیل کے صدر آئزک ہرزوگ نے تعلقات کی بحالی کے بعد اپنے پہلے دورہ بحرین میں بحرین کے شاہ حماد عیسیٰ الخلیفہ اور ولی عہد شیخ سلمان بن حمد الخلیفہ سے ملاقات کی۔
دونوں ممالک کے سربراہان نے علاقائی سیکیورٹی اور نجی شعبوں کے نمائندگان کے درمیان روابط کو فروغ دینے سمیت مختلف امور پر تبادلہ خیال کیا۔
صیہونی صدر اسحاق ہرزوگ کے بحرین کے دورے پر خلیجی کارکنوں اور مخالفین کی طرف سے بڑے پیمانے پر مذمت کی گئی، جنہوں نے اس دورے کو "غداری اور کھائی میں گرنے” کے مترادف قرار دیا۔
بحرین، متحدہ عرب امارات، مراکش اور سوڈان نے 2020 سے اسرائیلی ریاست کے ساتھ معمول کے معاہدوں پر دستخط کیے ہیں۔
واضح رہے کہ 2020 میں متحدہ عرب امارات، مراکش اور بحرین پہلی عرب ریاستیں تھیں جنہوں نے دہائیوں بعد اسرائیل کے ساتھ تعلقات بحال کیے تھے جہاں سابق امریکی صدر ڈونلڈ ٹرمپ کی انتظامیہ نے مذاکرات کی سربراہی کی تھی۔