(روزنامہ قدس ـ – آنلائن خبر رساں ادارہ) غزہ کی وزارت صحت کے مطابق، جنوبی غزہ کے رفح میں امداد کے منتظر افراد پر قابض صہیونی فوج کے حملےکےنتیجے میں 27 فلسطینی شہید اور درجنوں زخمی ہو گئے ۔ یہ حملہ غزہ ہیومینیٹیرین فاؤنڈیشن (جی ایچ ایف ) کے زیر انتظام امدادی مرکز پر کیا گیا، جسے امریکہ کی حمایت حاصل ہے۔
اقوام متحدہ کے سیکریٹری جنرل انتونیو گوتریش نے غزہ کی پٹی کے جنوبی شہر رفح میں فلسطینیوں کے قتل اور زخمی ہونے کی خبروں پر صدمے کا اظہار کرتے ہوئے واقعے کی آزاد اور فوری تحقیقات کا مطالبہ کیا
یہ کوئی پہلا واقعہ نہیں۔ امداد کے ان مراکز پر گزشتہ 27 مئی سے اب تک قابض اسرائیلی افواج کی بربریت کے نتیجے میں مجموعی طور پر 99 فلسطینی شہید اور 600 سے زائد زخمی ہو چکے ہیں۔ ہر بار نہتے، بھوکے، پیاسے لوگ ہی نشانہ بنتے ہیں۔ ہر بار وہی مائیں اپنے لختِ جگر کھوتی ہیں، وہی بچے یتیم ہوتے ہیں، اور وہی بےکس بوڑھے فرشِ زمین پر تڑپ تڑپ کر جان دیتے ہیں۔
وزارتِ صحت کے مطابق قابض صہیونی فوج کی جانب سے غزہ میں جاری فلسطینیوں کی نسل کشی میں اب تک381، 54فلسطینی شہید اور ایک لاکھ چوبیس ہزار زخمی ہو چکے ہیں۔
