(روزنامہ قدس ۔آن لائن خبر رساں ادارہ) درجنوں فلسطینی شہری صہیونی گولیوں کا نشانہ بنتے ہوئے زخمی ہوگئے جبکہ ایک 13 سالہ بچے محمد دعدس پیٹ میں گولی لگنے کے بعد اس نوعیت سے متاثر ہوا کہ ہسپتال پہنچتے پہنچتے سانسیں بحال نہ رہ سکیں اور معصوم فلسطینی بچہ شہید ہوگیا۔
ذرائع سے موصول ہونے والی اطلاعات کے مطابق گذشتہ روز مقبوضہ فلسطینی شہر نابلس کے مشرق میں واقع قصبے دیر الحطب میں اسرائیلی فوجی اہلکاروں نے فلسطینی علاقے میں داخل ہوکر بلا جواز فائرنگ کی اور مقامی باشندوں کو ہراساں کر نے کی کوشش کی جس کے نتیجے میں درجنوں شہری صہیونی گولیوں کا نشانہ بنتے ہوئے زخمی ہوگئے جبکہ ایک 13 سالہ بچے محمد دعدس پیٹ میں گولی لگنے کے بعد اس نوعیت سے متاثر ہوا کہ ہسپتال پہنچتے پہنچتے سانسیں بحال نہ رہ سکیں اور معصوم فلسطینی بچہ شہید ہوگیا۔
صہیونی فوج کی اندھا دھند فائرنگ سے فلسطینی بچے کی شہادت پر نابلس میں صہیونی فوج کے خلاف احتجاجی مظاہرہ کیا گیا جس میں مشتعل فلسطینیوں نے اسرائیل کا جھنڈا نظر آتش کر دیا جبکہ مظاہرین نے فوجی دہشت گردی کے خلاف اسرائیل مخالف نعرے لگائے۔