(روز نامہ قدس ۔آنلائن خبر رساں ادارہ ) اسرائیلی جیل کو فلمی انداز میں توڑکر فرار ہونے اور پھر دوبارہ گرفتار ہونے والے فلسطینی قیدی نے صہیونی جیل حکام کے غیر انسانی رویے کے خلاف بہ طور احتجاج بھوک ہڑتال شروع کردی ہے۔
تفصیلات کے مطابق صیہونی ریاست کی محفوظ ترین جیل جلبوع کو فلمی انداز میں توڑکر ٹائلٹ کے راستے فرار ہونے والے چھ فلسطینی قیدی جو اسرائیلی فورسز کے ہاتھوں دوبارہ گرفتار کرلیئے گئے ان میں سے ایک محمد عارضة نے صیہونی جیل حکام کے غیر انسانی رویے کے خلاف بہ طور احتجاج بھوک ہڑتال شروع کردی ہے۔
ذرائع کا کہنا ہے کہ گرفتارکئے جانے والے تمام چھ فلسطینی قیدیوں کے ساتھ غیر انسانی سلوک کیا جارہا ہے انھیں سونے کی اجازت نہیں ہے جبکہ انھیں ایسی جگہ رکھا گیا ہے جہاں بیٹھنے کی بھی جگہ نہیں ہے۔