(روزنامہ قدس ۔آن لائن خبر رساں ادارہ) کمیشن برائے اسیران نے عالمی برادری کی توجہ صہیونی غیرقانونی جیلوں میں قید اسیران کی جانب مبذول کرائی ہے اور خلیل عوادہ کی صہیونی جیل سے فوری رہائی کیلیے اسرائیل پر دباؤ کا مطالبہ کیا ہے۔
قابض صہیونی ریاست اسرائیل کی جیلوں میں قید شہریوں کے امور سے متعلق کمیشن برائے اسیران کے جاری کردہ ایک بیان کے مطابق صہیونی جیل میں غیر قانونی انتظامی حراست کی پالیسی کے تحت گرفتار کیے گئے فلسطینی قیدی خلیل عوادہ نے سخت بیماری کے باوجود 158 ویں روز بھی اپنی احتجاجی بھوک ہڑتال کو جاری رکھنے کا اعلان کیا ہے۔
فلسطینی کمیشن برائے اسیران کے مطابق اسرائیلی عقوبت خانوں میں الخلیل شہر کے رہائشی خلیل عوادہ مسلسل 5 ماہ سے صرف پانی پر گزارہ کر رہے ہیں جس کے باعث خوراک کی کمی نے ان کے جسم پر شدید مضر اثرات ڈالے ہیں اور وہ بات چیت اور چلنے پھرنے سے بھی محتاج ہو کررہ گئے ہیں اور ان کا وذن تیزی سے کم ہو رہا ہے جس سے ان کی زندگی کو خطرات لاحق ہو گئے ہیں۔
فلسطینی اسیر کی اس تشویش ناک صورت حال کے نتیجے میں کمیشن برائے اسیران نے عالمی برادری کی توجہ صہیونی غیرقانونی جیلوں میں قید اسیران کی جانب مبذول کرائی ہے اور خلیل عوادہ کی صہیونی جیل سے فوری رہائی کیلیے اسرائیل پر دباؤ کا مطالبہ کیا ہے۔