(روزنامہ قدس ۔آن لائن خبر رساں ادارہ) فلسطینی شہری محمد بدرالاطرش کے 150 مربع میٹر پر مشتمل دو منزلہ مکان کے حوالے سے رہائشی کا کہنا تھا کہ صہیونی فوج نے پورے مکان کو محاصرے میں لے کر رہائشیوں سے زبردستی خالی کرایا اور دیکھتے ہی دیکھتے دو منزلہ مکان ملبے کے ڈھیر میں تبدیل ہوگیا۔
تفصیلات کے مطابق گذشتہ روز مقبوضہ مغربی کنارے کے جنوبی شہر الخلیل کے السنداس نامی علاقے میں قابض اسرائیلی فوج نے ایک فلسطینی شہری کےدو منزلہ گھر کو غیر قانونی تجاوز قرار دیتے ہوئےاسرائیلی بلدیہ کے بھاری بلڈوزروں کے ذریعے مسمار کردیا۔
فلسطینی شہری محمد بدرالاطرش کے 150 مربع میٹر پر مشتمل دو منزلہ مکان کے حوالے سے رہائشی کا کہنا تھا کہ صہیونی فوج نے پورے مکان کو محاصرے میں لے کر رہائشیوں سے زبردستی خالی کرایا جن میں 8 بچے اور چار خواتین سمیت 18 افراد رہائش پزیر تھے، اور دیکھتے ہی دیکھتے دو منزلہ مکان ملبے کے ڈھیر میں تبدیل ہوگیا۔
واضح رہے کہ قابض ریاست میں صہیونی فوج اسرائیلی بلدیہ کی مدد سے اب تک متعددفلسطینیوں کے قانونی اور آبائی گھروں کوبھاری جرمانوں کے عوض مسمار کر چکی ہے جس کے نتیجے میں یہ بے گھر فلسطینی اپنے عزیزوں یا پناہ گزین کیمپوں میں عارضی رہائش اختیار کر نے پر مجبور ہو گئے ہیں۔