حوارہ چیک پوائنٹ پر صہیونی فوج کی فائرنگ سے بزرگ فلسطینی شہید

(روزنامہ قدس ۔آن لائن خبر رساں ادارہ) فلسطینی بزرگ جو چیک پوائنٹ کے نزدیک گلیوں سے خالی ڈبے اکٹھے کر رہے تھے اس دوران غاصب فوجیوں  نے انہیں گولی مارکرزخمی کر دیا جو بعد میں زخموں کی تاب نہ لاتے ہوئےچل شہید ہوگئے۔

تفصیلات کے مطابق مقبوضہ فلسطین کے علاقے نابلس میں حوارہ چیک پوائنٹ پر دوروز قبل صہیونی فوج کی فائرنگ کےنتیجے میں 3 زخمی فلسطینیوں میں سے ایک کی گرفتاری کے بعد نامعلوم مقام پر منتقلی کر دی گئی تھی جو ایک معذور معمر فلسطینی بزرگ تھے۔

یہ بھی پڑھیے

صہیونی درندوں کےہاتھوں ایک اور فلسطینی کوشہید

ذرائع نے بتایا کہ 60 سالہ گرفتار بزرگ فلسطینی کا نام حسین قواریق تھا جو چیک پوائنٹ کے نزدیک گلیوں سے جار خالی ڈبے اکٹھے کر رہے تھے کہ قابض فوجیوں نے انہیں گولی مار کر زخمی کر دیا بعد ازاں صہیونی درندوں نے فلسطینی ہلال احمر کے عملے کو2 زخمیوں کوطبی امداد کی فراہمی کیلیے حوالے کر دیا البتہ حسین قوارق کو تفتیش کیلیے نامعلوم مقام پر منتقل کر دیا تھا جس کے بعد آج معمر فلسطینی کی شہادت کی تصدیق کر دی ہے۔

یاد رہے غاصب صہیونی ریاست میں اسرائیلی فورسز فلسطینی باشندوں کی جان و مال کے نقصان سے قبل ایک لمحے کیلیے بھی نہیں سوچتیں جبکہ دوسری جانب یہ صہیونی فوجی یہودی شہریوں کو تحفظ اور استحکام فراہم کر نے کیلیے دن رات صہیونی ریاست کے احکامات پر عمل پیرا رہتے ہیں ۔