(روزنامہ قدس ۔آن لائن خبر رساں ادارہ) صہیونی فوج کے ہاتھوں اغوا ہونے والے فلسطینی کے بڑے بھائی کو 3 ماہ قبل صہیونی اہلکاروں نے حراست میں لیتے ہوئے انتظامی قید میں ڈال دیا تھا جس کی تاحال رہائی نہ ہوسکی۔
ذرائع کے مطابق گذشتہ شب قابض اسرائیلی فوج نے مقبوضہ فلسطینی شہر الخلیل میں ایک شہری فرج عبیدو کے گھر پر دھاوا بول دیا اوران کے 32 سالہ بیٹے معتصم کواس کے خاندان کے سامنے وحشیانہ تشدد کرتے ہوئے اغوا کر لیا۔
صہیونی فوج کے ہاتھوں اغوا ہونے والے فلسطینی کے بڑے بھائی کو 3 ماہ قبل صہیونی اہلکاروں نے حراست میں لیتے ہوئے انتظامی قید میں ڈال دیا تھا جس کی تاحال رہائی نہ ہوسکی۔
واضح رہے کہ قابض ریاست اسرائیل کی غیر قانونی جیلیں بے گناہ فلسطینی قیدیوں سے بھری ہوئی ہیں جن کے ساتھ اسرائیلی عقوبت خانوں میں بین الاقوامی قانون کی خلاف ورزی کر تے ہوئے غیر انسانی سلوک روا رکھا جاتا ہے۔