(روز نامہ قدس ۔آنلائن خبر رساں ادارہ ) صہیونی فوج کے ترجمان نے اسے خارجی معاملہ کہہ کر کسی قسم کا تبصرہ کرنے سے انکار کر دیا گیا ہے۔
غیرملکی خبررساں ادارے کی رپورٹ کےمطابق گذشتہ روز غیر قانونی صہیونی ریاست اسرائیل کی فضائیہ نے شام کے صوبے حمص کے ائیربیس پر میزائلوں سے حملہ کیا جس کے نتیجے میں دو اہلکاروں کے شہید جبکہ 3 کے زخمی ہونے کی اطلاعات ہیں۔
شامی فوج کا کہنا ہے کہ صہیونی فوج نے حمص کے الشعیرات ائیربیس کو نشانہ بنایا جبکہ شہر کے جنوب مشرقی علاقے میں رن ایئر پورٹ کے رن وے کو بھی نشانہ بنایا گیا ہے۔
ذرائع کے مطابق گزشتہ تین برسوں کے دوران روس کی جانب سے الشعیرات ائیربیس پر رن وے سمیت انڈرگراؤنڈ ائیرکرافٹ شیلٹرز کی تعمیر کی گئی ہے، جبکہ شامی صوبے حمص میں الشعیرات ائیربیس کے گرد و نواح میں روسی فوجیوں کی بڑی تعداد تعینات ہے جو کہ الشعیرات ائیربیس کا استعمال کرتے رہے ہیں۔
دوسری جانب غیر قانونی صہیونی ریاست کی فوج کے ترجمان نے اسے خارجی معاملہ کہہ کر کسی قسم کا تبصرہ کرنے سے انکار کر دیا گیا ہے۔