(روز نامہ قدس ۔آنلائن خبر رساں ادارہ ) طولکرم پناہ گزین کیمپ پر اسرائیلی فوج نے ڈرون سے بمباری کی جس کےنیتجےمیں سات نوجوان موقع پر شہید ہوگئے جبکہ ایک شدید زخمی اسپتال پہنچ کر جام شہادت نوش کرگیا۔
فلسطینی وزارت صحت کی جانب سے جاری کردہ مختصر بیان میں بتایا گیا ہے کہ گذشتہ روز غیر قانونی صیہونی ریاست اسرائیل کی نہام نہاد فوج نے مقبوضہ مغربی کنارے کے شہر طولکرم کے میں نورشمس پناہ گزین کیمپ پر ڈرون کی مدد سے بمباری کی جس کے نتیجے میں سات فلسطینی نوجوان شہید ہوگئے اور ایک شدید زخمی ہوا جس کو تھابیت اسپتال منتقل کیا گیا تاہم وہ جانبر نا ہوسکا ، اسرائیلی فوج کے حملےمیں متعدد کے زخمی ہونے کی بھی اطلاعات ہیں۔
واضح رہے کہ سات اکتوبر سے جاری غزہ پر اسرائیلی دہشتگردی میں مقبوضہ مغربی کنارے میں بھی فلسطینیوں کو شہید کرنے کا سلسلہ جاری ہے گذشتہ دو ماہ کے دوران مقبوضہ مغربی کنارے میں اسرائیلی فوج اور غیر قانونی صیہونی آبادکاروں کے حملوں میں 300 سے زائد فلسطینی شہید سیکڑوں زخمی اور ہزاروں کو گرفتار کیا جاچکا ہے۔