اسرائیل کی ہرممکن مدد کی جائے گی: امریکہ کا اعلان

(روز نامہ قدس ۔آنلائن خبر رساں ادارہ) امریکہ نے صیہونی ریاست کو ہرممکن مدد دینے کا اعلان کرتے ہوئے خطے میں موجود امریکی فوج کو ہدایت کی ہے کہ اسرائیل کی جانب جانے والے ہر میزائل کو پہنچنے سے پہلے مار گرایا جائے۔

امریکی نشریاتی ادارے سی این این کی رپورٹ کے  مطابق امریکی صدر جو بائیڈن نے ایران کی جانب سے اسرائیل پر غیرمعمولی حملے پر خطے میں موجود امریکی فوج کو حکم دیا ہے کہ اسرائیل کی جانب جانے والے ہر میزائل کو پہنچنے سے پہلے مار گرایا جائے۔

وائٹ ہاؤس کے مطابق امریکی صدربائیڈن ایرانی حملوں کی صورتحال کا جائزہ لے رہے ہیں اور ان کے ساتھ نائب صدر کاملہ ہیرس بھی وائٹ ہاؤس میں موجود ہیں۔ بائیڈن نے امریکی فوج کو اسرائیل کا دفاع کرنے کا حکم دے دیاہے اور ہرممکن مدد کرنے کا اعلان کیا ہے۔