(روز نامہ قدس ۔آنلائن خبر رساں ادارہ ) سابق تیونسی وزیر خارجہ احمد ونیس نےبھی مذمت کرتے ہوئے کہا کہ تیونس کسی کا دشمن نہیں تاہم اسرائیل کے ساتھ دوستی کا دم بھرنے کا کوئی جوازنہیں۔
ذرائع کے مطابق گذشتہ روزتیونس کے صدر قیس سعید کی جانب سےصہیونی ریاست اسرائیل کی حمایت میں ایک متنازعہ جاری کیا گیا جس میں بیان کے مطابق صدرکا کہنا تھا کہ اسرائیلی ریاست اب تونس کے لیے ’دشمن‘ نہیں رہی۔ ان کے اس بیان پر عوامی اور سیاسی حلقوں کی طرف سے شدید رد عمل سامنے آیا ہے۔
صدرقیس سعید کے اس متنازعہ بیان کےردعمل میں تیونس کے سیاسی حلقوں کی جانب سے سابق وزیر خارجہ احمد ونیس نےبھی مذمت کرتے ہوئے کہا کہ تیونس کسی کا دشمن نہیں تاہم اسرائیل کے ساتھ دوستی کا دم بھرنے کا کوئی جوازنہیں۔ نئی تیونسی حکومت کو استعماری اور نسل پرست صہیونی ریاست کے حوالے سے اپنا موقف واضح کرنا ہوگا۔
خیال رہے کہ صدر قیس سعید پارلیمنٹ کومعطل کرنے اور منتخب حکومت کو برطرف کرنے کے بعد سے عوامی اور سیاسی حلقوں میں متنازع ہوچکے ہیں۔ ان کے اسرائیل کی حمایت پرمبنی بیان نے عوام میں ان کے حوالے سے مایوسی میں اضافہ کیا ہے۔