(روزنامہ قدس ۔آن لائن خبر رساں ادارہ) اسرائیلی چیف کے اس بیان کے سامنے آنے کے بعد یہ اندازہ لگانا مشکل نہیں کہ صہیونی ریاست غزہ کو پوری دنیا سے کاٹ کر بھی مزاحمت کاروں اور عوام پر فتح حاصل کر نے میں ناکام ہے اور حالیہ لڑائی کے دوران بھی مزاحمتی قوتیں اسرائیل پر راکٹ فائر کرتی رہی ہیں۔
تفصیلات کے مطابق مقبوضہ فلسطینی محصور علاقے غزہ سےاسرائیل کی جانب کئی سمتوں سے فائر کیے گئے راکٹ حملوں کے بعد ان راکٹوں کی تلاش میں اسرائیل تاحال ناکام ہے اور اس حوالے سے صہیونی چیف آف سٹاف ایوی کوچاوی نےاعتراف کرتے ہوئے کہا ہے کہ راکٹوں کے مقامات تک پہنچنا ایک بڑا چیلنج ہے جس میں ابھی تک اسرائیل کو ناکامی ہوئی ہے حالانکہ یہ فوج کی اولین ترجیح ہیں۔
افسر نے مزید کہا کہ فوج کے ماہرین انسانی عنصر کے علاوہ اس سلسلے میں جدید ترین ٹیکنالوجی کا استعمال کرتے ہوئے میزائلوں کی تنصیب اور ذخیرہ کرنے کی جگہوں تک رسائی حاصل کرنے کے لیے دن رات کام کر رہے ہیں تاہم انہوں نے زور دیا۔ کہ بہت سے اہداف ابھی تک بے نقاب نہیں ہوئے ہیں اور ان تک پہنچنے کے لیے علاقے میں داخل ہونے کی ضرورت ہے۔
واضح رہے اسرائیلی چیف کے اس بیان کے سامنے آنے کے بعد یہ اندازہ لگانا مشکل نہیں کہ صہیونیریاست غزہ کو پوری دنیا سے کاٹ کر بھی مزاحمت کاروں اور عوام پر فتح حاصل کر نے میں ناکام ہے اور حالیہ لڑائی کے دوران بھی مزاحمتی قوتیں اسرائیل پر راکٹ فائر کرتی رہی ہیں۔