(روز نامہ قدس ۔آنلائن خبر رساں ادارہ ) ایرانی وزارت خارجہ کے ترجمان سعید خطیب زادہ نے کہا ہے کہ ایران اسرائیل کی گیڈر بھبکیوں سے ڈر نے والا نہیں اورجوہری معاہدے سے ہٹ کر کوئی بات قبول نہیں کرے گا۔
تفصیلات کے مطابق گذشتہ روز ایران کی وزارت خارجہ کے ترجمان سعید خطیب زادہ نےصہیونی ریاست کے آرمی چیف جنرل اویو کوچاوی کی جانب ستے ایران مخالف بیان پر ردعمل کا اظہار کرتے ہوئے کہا ہے کہ ایران اسرائیل کی گیڈر بھبکیوں سے ڈر نے والا نہیں اورجوہری معاہدے سے ہٹ کر کوئی بات قبول نہیں کرے گا۔
واضح رہے کہ اسرائیلی آرمی چیف جنرل اویو کوچاوی اور صہیونی وزیر دفاع کیجانب سےایران کے ایٹمی پروگرام کے حوالے سےکہا گیا ہے کہ اسرائیل "ایران کی صلاحیتوں کو تباہ کرنے کے لیےاپنا فوجی آپریشن ہر محاذ پر اور ہر وقت جاری رکھےگا۔”انہوں نے اس بات پر بھی زور دیا کہ ایران کے جوہری منصوبے کا مقابلہ کرنے کے ہمارے منصوبے توسیع اور ترقی کر رہے ہیں۔