(روز نامہ قدس ۔آنلائن خبر رساں ادارہ ) ٹیبل ٹینس میں دنیا میں پہلی پوزیشن حاصل کرنے والی گیارہ سالہ لبنانی کھلاڑی "بيسان شيری ” اسرائیلی کھلاڑی کے ساتھ کھیلنے سے انکار کرتے ہوئے پرتگال انٹرنیشنل چیمپیئن شپ سے احتجاجاً دستبردار ہو گئی۔
گذشتہ روز پرتگال میں منعقدہ ورلڈ ٹیبل ٹینس انٹرنیشنل چیمپیئن شپ سے "بيسان شيری ” نے یہ کہتے ہوئے دستبرداری اختیارکی کہ میں کسی ایسے ملک کے کھلاڑی کے ساتھ نہیں کھیلوں گی جو معصوم بچوں، خواتین سمیت نہتے شہریوں کے قتل عام میں ملوث ہو۔اس فیصلے کا فلسطینی اور عرب سوشل میڈیا آؤٹ لیٹس نے بڑے پیمانے پر خیرمقدم کیا جب 11 سالہ بیسان کی ہمت کو سراہا گیا۔
اس سے قبل نومبر میں لبنان کے ٹینس کھلاڑی محمد عطایا نے اسرائیلی کھلاڑی کا سامنا کرنے سے گریز کرتے ہوئے قبرص انٹرنیشنل چیمپئن شپ سے دستبردار ہو گئے تھے۔