(روز نامہ قدس ۔آنلائن خبر رساں ادارہ ) اسرائیلی اپنی تاریخ کے بدترین دور سے گزر رہا ہے ہم جن سکیورٹی حالات سے گذر رہے ہیں ماضی قریب میں اس کی مثال نہیں ملتی۔
فلسطین پر قابض غیر قانونی صہیونی ریاست اسرائیل کے معرف صحافی اور چینل چینل 13 کے عسکری تجزیہ کار،ایلون بین ڈیوڈ کا کہنا ہے کہ اسرائیل سیکیورٹی کے حوالے سے تاریخ کے بدترین دور سے گزر رہا ہے۔
انھوں نے صہیونی ریاست کو درپیش چیلنجوں کے بارے میں بات کرتے ہوئے کہا ہے کہ اسرائیل کو نئی فلسطینی نسل کی مزاحمت کا سامنا ہے جو بالکل منفرد انداز کی ہے ، فلسطینی نوجوان مزاحمت میں براہ راست شامل ہیں جو اپنی جانوں کو بغیر کسی خوف کے قربان کررہے ہیں یہ انتہائی تشویشناک ہے۔ اسرائیل کو فلسطینیوں کی ایک نئی مزاحمتی نسل کا سامنا ہے جو سماجی رابطوں کی ویب سائٹس کے ذریعے اشتعال انگیزی سے متاثر ہوتے ہیں، جو سکیورٹی سروسزکے لیےایک بڑا چیلنج ہیں۔
ایلون بین ڈیوڈ کا کہنا ہے کہ سماجی رابطوں کی ویب سائٹس پرلاکھوں پوسٹوں میں "اسرائیل” کے لیے اپنی نفرت کا اظہار کیا جاتا ہے۔ اپنی ٹیکنالوجی اور مصنوعی ذہانت کو تیار کرنے کی کوششوں کے باوجود اسرائیل سوشل میڈیا وار سے نہیں بچ سکا۔
انھوں نے کہا کہ اسرائیلی اپنی تاریخ کے بدترین دور سے گزر رہا ہے ہم جن سکیورٹی حالات سے گذر رہے ہیں ماضی قریب میں اس کی مثال نہیں ملتی۔
بین ڈیوڈ نے اس مخمصے پر بھی روشنی ڈالی جس کا فلسطینی شہروں پر حملے کے دوران قابض سکیورٹی سروسز اور فوجی دستوں کو سامنا کرنا پڑ رہا ہے، جس کی نمائندگی نوجوانوں کی بڑی تعداد کا ان کے ساتھ تصادم کے لیے روانگی سے ہوتا ہے۔