(روزنامہ قدس ۔آن لائن خبر رساں ادارہ) ایرانی جوہری منصوبہ اور مسئلہ فلسطین جو گزشتہ 10 برسوں میں ایک بڑے چیلنج کی شکل اختیار کر گئے ہیں تاہم صہیونی ریاست اس چیلنج سے نمٹنے کے لیے کوئی جامع اور منظم منصوبہ نہیں بنا سکی۔
عالمی ذرائع ابلاغ کے مطابق قابض ریاست اسرائیل میں انسٹی ٹیوٹ فار اسرائیل پالیسی اینڈ سٹریٹیجی اور اسرائیلی ریخ مین یونیورسٹی نےسکیورٹی کے حوالے سے ایک کانفرنس کا انعقاد کیا جس میں اسرائیلی فوج کے افسران، سیاست دان اور سفارت کار شامل تھے۔
کانفرنس میں اسرائیل کو اندر اور باہر سے بہت سے درپیش خطرات سے نمٹنے کے لیے منظم حکمت عملی کی ضرورت پر غور کیا گیاتاکہ ایسے حل تلاش کیے جا سکیں جو اس ملک کی طویل عرصے میں اسٹرٹیجک ضروریات کو پورا کریں۔
کانفرنس کے شرکاء نے اس بات پر زور دیا کہ بہت سے مسائل پر اسرائیل کی موجودہ پالیسیاں غلط ہیں اور ان سے پیدا ہونے والے حقیقی چیلنج کو بڑھا رہی ہیں، جن میں سب سے اہم ایرانی جوہری منصوبہ اور مسئلہ فلسطین ہیں، جو گزشتہ 10 برسوں میں ایک بڑے چیلنج کی شکل اختیار کر گئے ہیں تاہم صہیونی ریاست اس چیلنج سے نمٹنے کے لیے کوئی جامع اور منظم منصوبہ نہیں بنا سکی۔