(روز نامہ قدس ۔آنلائن خبر رساں ادارہ ) اسرائیلی عہدیدار نے کہا ہے کہ ایران جوہری صلاحیت رکھنے والے ملک کی صف میں داخل ہونا چاہتا ہے، ان موجودہ حالات میں ہمیں ایرانی خطرے کو نظرانداز نہیں کرناچاہیے۔
اسرائیل کےعبرانی اخبار کی رپورٹ کےمطابق صہیونی حکام کی جانب سے حالیہ دنوں میں امریکی عہدیداروں کو متنبہ کیا گیا ہے کہ ایران جوہری ہتھیاروں کے حصول کے لیے پہلے سے کہیں زیادہ قریب ہے جو خطرے کی بات ہے۔
رپورٹ کے مطابق اسرائیل کے ایک سینئر سفارت کار نے ریڈیو پر انٹر ویو کے دوران بتایا کہ ایران کے ساتھ مذاکرات میں کچھ خاص ہونے جارہا ہےایسی صورت حال میں جب کہ ایران جوہری صلاحیت رکھنے والے ملک کی صف میں داخل ہونا چاہتا ہے، ہمیں اس کے عزائم پر شک نہیں کرنا چاہیے اور موجودہ حالات میں ہمیں ایرانی خطرے کو نظرانداز نہیں کرناچاہیے۔
خیال رہے کہ اسرائیل کے وزیر خارجہ یائیر لپیڈ ، وزیر دفاع بینی گینٹز اور دیگر اسرائیلی عہدیداروں نے حال ہی میں اپنے امریکی ہم منصبوں کے ساتھ ایران کے جوہری پروگرام کا معاملہ اٹھایااور جسے اسرائیل کی طرف سے یہ ایک غیر معمولی انتباہ قرار دیا جا رہا ہے۔