(روزنامہ قدس ۔آنلائن خبر رساں ادارہ )ایرانی صدر ابراہیم رئیسی کا کہنا ہے کہ ظلم امریکا، یورپ، افریقا، یمن، شام یا فلسطین جہاں بھی ہو ایران مظلوم کے ساتھ اور ظالم کےخلاف کھڑا ہے۔
ایران کے نو منتخب صدر ابراہیم رئیسی نے اپنے عہدے کا حلف اٹھانے کے بعد ملکی اور غیر ملکی میڈیا کی موجود گی میں خطاب کرتےہوئے کہا ہے کہ اسلامی جمہوریہ ایران مظلوم فلسطینی قوم کی مدد اور حمایت جاری رکھے گا۔
ایرانی صدر نے کہا کہ اسلامی انقلاب کی کوکھ سے قومی سیاسی شراکت اور ہمارے ملک کی تاریخ میں قومی خود مختاری کا نیا مرحلہ شروع ہوا ہے۔انہوں نے کہا کہ ظلم امریکا، یورپ، افریقا، یمن، شام یا فلسطین جہاں بھی ہوایران ہمیشہ ظالم کےظلم کے خلاف اور مظلوم کے ساتھ رہا ہے۔