(روزنامہ قدس ۔آنلائن خبر رساں ادارہ ) صیہونی وزیراعظم کا کہنا ہے کہ ایران کے نئے صدر ابراہم رئیسی ایک سخت گیر شخص ہیں جو تہران کا جلاد کہلاتے ہیں انھیں بہت ہی بری اور انتہا پسند شخصت سمجھا جاتا ہے.
فلسطین پر قابض غیر قانونی صیہونی ریاست اسرائیل کے وزیراعظم نفتالی بینیٹ نے گذشتہ روز کنیسٹ ( اسرائیلی پارلیمںٹ ) میں کابینہ سے خطاب کرتےہوئے کہا ہے کہ ایران جوہری طاقت کے حصول میں مصروف ہے ایران خطے ہی کیلئے نہیں بلکہ پوری دنیا کیلئے واضح خطرہ ہے، ایران کو اس کی معاندانہ سرگرمیوں کی قیمت ادا کرنا ہوگی۔
صیہونی وزیراعظم نے امریکی فوج میں “سنٹپ کام” کے ذریعے امریکا کی جانب سے ایک رپورٹ جاری کرنے کا خیر مقدم کیا ہے جس میں مرسراسٹریٹ پر حملے میں ایران کے ملوث ہونے کے قطعی ثبوت اورتفصیلات شامل تھیں، اس جہاز کو 29 جولائی کو بحیرہ عرب میں حملے کا نشانہ بنایا گیا تھا۔
انہوں نے مزید کہا کہ ایران وہ ملک ہے جس نے اس بحری دہشتگردی کی کارروائی کا ارتکاب کیااور اب بھی انتہائی بزدلی سے اس سے بچنے کی کوشش کر رہا ہے۔
بینیٹ نے جی 7 ممالک کی جانب سے اس حملے کی مذمت اور ایران کے ملوث ہونے کے حوالے سے جاری کردہ بیان کا بھی خیر مقدم کرتے ہوئے مزید کہا کہ اب امتحان صرف بیانات کے ذریعے نہیں بلکہ عمل سے ہوگا ہے۔