(روزنامہ قدس ۔آن لائن خبر رساں ادارہ) تنظیم نے کہا کہ اسرائیل نے فلسطینیوں کے لیے ایک غیر منصفانہ عدالتی نظام قائم کیا ہےجس کے تحت سینکڑوں بے گناہوں کو بغیر کسی مقدمے کے اور غیر معینہ مدت کے لیے حراست میں لیا جاتا ہے۔
ذرائع کے مطابق گذشتہ روز صہیونی ریاست اسرائیل کی انسانی حقوق کی تنظیم بتسلیم کی جانب سے صہیونی جیلوں میں قید تمام فلسطینی انتظامی قیدیوں خصوصا7 بھوک ہڑتالیوں کی فوری رہائی کا مطالبہ کیا ہے۔
تنظیم کی جانب سے کہا گیا ہے کہ اسرائیل نے فلسطینیوں کے لیے ایک غیر منصفانہ عدالتی نظام قائم کیا ہےجس کے تحت سینکڑوں بے گناہوں کو بغیر کسی مقدمے کے اور غیر معینہ مدت کے لیے حراست میں لیا جاتا ہے۔
انسانی حقوق کی تنظیم بتسلیم نے انتظامی قید کی اسرائیلی پالیسی کو ظالمانہ قرار دیتے ہوئے کہا کہ سیاست دان، اعلیٰ فوجی افسران، شن بیٹ، فوجی اور ریاستی استغاثہ، فوجی جج اور سپریم کورٹ کے جج سبھی اس پالیسی اوراس کے طرز عمل میں شراکت دار ہیں اور فلسطینیوں پر ان سزاؤں کے نفاذ کے ذمہ دار ہیں۔