(روز نامہ قدس ۔آنلائن خبر رساں ادارہ ) غزہ کے علاقے خان یونس کا رہائشی 22 سالہ انس خالد صہیونی وحشیانہ بمباری کے نیتجے میں زخمی ہوگیا تھا جو آج زخموں کی تاب نہ لاتے ہوئے خالق حقیقی سے جاملا۔
مقبوضہ فلسطین کے محصور شہر غزہ پر گذشتہ جمعہ سے تین دنوں تک جاری رہنے والی وحشیانہ بمباری کے نتیجےمیں زخمی ہونے والا22 سالہ فلسطینی نوجوان انس خالد انشاصی آج زخمو ں کی تاب نہ لاتے ہوئے شہید ہوگیا ۔
شہید کی نماز جنازہ بعد نماز جمعہ ادا کی گئی جس میں ہزاروں فلسطینیوں نے شرکت کی ، شہید کو غزہ کے قبرستان میں سپرد خاک کردیا گیا۔
یہ بھی پڑھیے
خواتین اور بچوں کا قتل: صہیونی فوج سنگین جنگی جرائم میں ملوث ہے، اردن
واضح رہے کہ غاصب صہیونی ریاست اسرائیل کی جانب سے گذشتہ 14 سالوں سے معاشی ناکہ بندی کے شکار محصور شہر غزہ پر گذشتہ جمعہ کو وحشیانہ بمباری کی گئی تھی جس کے نتیجے میں اب تک ڈیڑھ درجن سے زائد بچوں اور 6 خواتین سمیت 49 فلسطینی شہید ہوئے اور 360 سے زائد زخمی ہوئے ، زخمیوں میں بڑی تعداد ان فلسطینیوں کی ہے جو تشویشناک حالت میں ہیں۔