(روز نامہ قدس ۔آنلائن خبر رساں ادارہ) ایران نے اسرائیل کو نشانہ بنائے جانے کے بعد جوابی کارروائی سے خبردار کیا ہے۔
ایرانی میڈیا کی جانب سے ایرانی پاسداران انقلاب کے جاری کردہ ایک بیان میں غیر قانونی صیہونی ریاست اسرائیل کو خبردار کرتے ہوئے کہا ہے کہ اس نے سپریم نیشنل سیکیورٹی کونسل کے فیصلے سے، مسلح افواج کے جنرل اسٹاف کے ایک نوٹیفکیشن اور فوج اور وزارت دفاع کے تعاون سے اسرائیل پر بمباری کی اور اگر صہیونی ادارے نے اس پر جوابی کارروائی کی تو ردعمل اور شدید اور تباہ کن ہوگا۔