(روزنامہ قدس ۔آن لائن خبر رساں ادارہ) حماس اور دیگر جماعتوں کو لبنان کی حزب اللہ کا ساتھ میسر ہے جس کے باعث اسرائیل کے فوجیوں کی ایک بڑی تعداد ہلاک اور زخمی ہو جائے گی اس کے ساتھ ہی یہ لبنان میں حزب اللہ کے ساتھ کسی بھی ممکنہ جنگ میں ہر صورت میں شکست کا باعث بنے گی۔
اسرائیل کے عبرانی نشریاتی اداے کی جاری کردہ رپورٹ کے مطابق صہیونی عسکری ماہرین کی رائے ہے کہ اسرائیل زمینی کارروائی کےذریعےغزہ کی پٹی میں حماس اور دیگر فلسطینی گروپوں کے ساتھ جنگ کوختم کرنے کے لیے تیار نہیں جو کہ صیہونی حکومت میں تنازعات کا باعث بنا ہوا ہے۔
رپورٹ کے مطابق صیہونی نیشنل سیکورٹی ریسرچ سینٹر نے رون ٹیرا کی ایک تحقیق کا حوالہ دیا جس میں ٹیرا نے صیہونی حکومت کے کسی بھی زمینی فوجی آپریشن کی مخالفت کی ہے۔
رپورٹ کے مطابق اسرائیلی عسکری ماہر ین کا کہنا ہے کہ لبنان میں حزب اللہ کے خلاف جنگوں میں صیہونی حکومت کی حکمت عملی ناکام رہی اوروہ تحریک کے فوجی ہتھیاروں کی ترقی کو نہیں روک سکی، لیکن اس کے برعکس ہم دیکھتے ہیں کہ حزب اللہ کی تباہ کن فوجی طاقت میں اضافہ ہوتا رہا ہےاور صیہونیوں کی تمام تر کوششوں کے باوجودحزب اللہ آج ایک بہت ہی خطرناک فوجی طاقت ہے۔