حزب اللہ کا صیہونی فوج پر حملہ، متعدد ٹینکس تباہ صیہونی فوج میں ہلاکتوں دعویٰ

(روز نامہ قدس ۔آنلائن خبر رساں ادارہ) لبنان کی مزاحمتی تحریک حزب اللہ نے غیر قانونی صیہونی ریاست کی نام نہاد فوج پر گائیڈڈ میزائلوں سے سے حملے کا دعویٰ کیا ہے ، لبنانی تنظیم کی جانب سے جاری کردہ بیان میں کہا گیا ہے کہ اس کے ارکان نے اسرائیل کے شمالی علاقے میں قائم فوجی اڈے پر جدید گائیڈڈ میزائلوں سے حملہ کیا ہے جس میں صیہونی ریاست اسرائیل کے جدید ترین مرکاوا ٹینکس تباہ ہوئے اور ایک اسرائیلی ہیلی کاپٹر پر شیلنگ کی ہے ۔

واضح رہے کہ جنوبی لبنان میں حزب اللّٰہ کی اسرائیلی فوج سے شدید جھڑپیں جاری ہیں، گذشتہ روز اسرائیلی فوج نے حزب اللہ کے ساتھ جھڑپوں میں ڈویژن کمانڈر سمیت 8 فوجیوں کی ہلاکت کا اعتراف کیاتھا ۔