دوحہ – (روزنامہ قدس ـ آنلائن خبر رساں ادارہ) اسلامی تحریک مزاحمت حماس کے ترجمان حازم قاسم نے کہا ہے کہ قابض اسرائیل نے غزہ میں الجزیرہ کے نامہ نگار محمد وشاح کو شہید کر کے صحافتی کام کے خلاف ایک نئے جرم کا ارتکاب کیا ہے۔
حازم قاسم نے ایک پریس بیان میں کہا کہ یہ قتل ان جرائم کے طویل سلسلے کا حصہ ہے جو غزہ کی پٹی میں صحافیوں کو نشانہ بنا کر کیے جا رہے ہیں، جس کا مقصد اس نسل کشی کی حقیقت کو دنیا تک پہنچنے سے روکنا ہے جو قابض دشمن مسلسل کر رہا ہے۔
حازم قاسم نے اس بات کی طرف اشارہ کیا کہ بین الاقوامی اور انسانی حقوق کے ادارے اپنے وجود کی قانونی حیثیت ثابت کرنے کے لیے ایک حقیقی امتحان کے سامنے ہیں، جس کا تقاضا ہے کہ وہ قابض اسرائیل پر دباؤ ڈالنے کے لیے سنجیدہ اور مؤثر اقدام کریں تاکہ ہمارے فلسطینی عوام کے خلاف اس کے جاری جرائم کو روکا جا سکے۔
